Բիաթլոնը ոչ միայն դիտարժան, այլեւ Հայաստանի համար ռազմավարական կարեւոր նշանակություն ունեցող կիրառական մարզաձեւ է:
Aravot.am-ը Հայաստանի բիաթլոնի ֆեդերացիայի հիմնադիր նախագահ Վարդեւան Գրիգորյանի հետ զրույցում տեղեկացավ, որ մարզաձեւը որոշ չափով տարածված է հիմնականում Ախուրյանում եւ Գյումրիում: Ֆիզիկական կուլտուրայի հայկական պետական ինստիտուտում էլ սովորում են բիաթլոնիստներ, որոնք նույնպես այդ տարածաշրջանի երիտասարդներն են:
Ֆեդերացիայի նախագահի խոսքերով, թեեւ մարզաձեւը պետական աջակցություն չի ստանում, իրենք կարողացել են չորս զենք ձեռք բերել, հնարավորության սահմաններում լուծում են փամփուշտների խնդիրը:
Հարցին, թե բիաթլոնի Հայաստանի առաջնություններ անցկացվո՞ւմ են, պարոն Գրիգորյանը պատասխանեց. «Ոչ, որովհետեւ մարզաձեւը Հայաստանում տարածված չէ: Ընդամենը չորս հրացան ունենք, իսկ չորս հրացանով հանրապետության առաջնություն չես անցկացնի: Յուրաքանչյուր մարզիկ պետք է իր զենքն ունենա»:
Կարդացեք նաև
Վարդեւան Գրիգորյանի հետ հարցազրույցը՝ «Առավոտ» օրաթերթի մարտի 4-ի համարում:
Աշոտ ՀԱԿՈԲՅԱՆ
Լուսանկարը՝ galatv.am-ի