Այսօր Ընտրական օրենսգրքի նախագծի շուրջ արդարադատության նախարարության կազմակերպած հանրային քննարկման ԲՀԿ խմբակցության ղեկավար Նաիրա Զոհրաբյանը հարցրեց՝ եթե էլեկտրոնային գրանցման ժամանակ վառվեց կանաչ լույս՝ առանց լուսանկարի, ինչպե՞ս կռահել՝ այդ անձն է, թե՞ ոչ:
Կառավարության աշխատակազմի ղեկավար-նախարար Դավիթ Հարությունյանը պատասխանեց, որ վստահված անձինք, դիտորդները պետք է կարողանան վերահսկել. «Եթե լուսանկարը չի լինում, սա նշանակում է հատուկ ուշադրություն: Հնարավոր է ID քարտի տվյալները սարքը չկարդա: Էկրանի վրա բացականչական նշան կա, որ հատուկ ուշադրություն»:
Ըստ Նաիրա Զոհրաբյան, այնքան տեխնիկական բարդություններ կան նախագծում. «Նշում եք, որ քվեաթերթիկը չպետք է ծալի: Հիմա ասենք մի գյուղում ինչ-որ մի տատիկ շփոթվել ու ծալել է, հիմա ի՞նչ, դա համարվելու է անվավե՞ր, թե՞ ոչ: Այսինքն, տեխնիկական բազմաթիվ խառնաշփոթ կա: Ընտրացուցակների գաղտնիության հետ կապված ճիշտ է, Վենետիկի հանձնաժողովի տեսակետը գիտենք, բայց եթե բողոքարկվելու դեպքում կարող են բոլորը ստանալ ցուցակը, այդ դեպքում չի՞ խախտվում գաղտնիությունը: Չկա՞ կոնֆլիկտ: Ինչու չգնալ կարճ ճանապարհով, բարդացնել մեր կյանքը»:
Դավիթ Հարությունյանը պատասխանեց, որ դակելը, քվեաթերթիկը չծալելը նպատակ է հետապնդում. «Ամեն ինչ իր գինն ունի, ծալվածի դեպքում մենք պետք է պատրաստ լինենք ընդունել, որ քվեաթերթիկը անվավեր է համարվում: Եթե ծալվեց՝ դակվածքը կարող է լինել հենց քվեարկության դաշտի վրա»:
Կարդացեք նաև
Հռիփսիմե ՋԵԲԵՋՅԱՆ
