Մենք արդեն ենթադրում էինք, որ ամիսներ առաջ Ռուբեն Հայրապետյանը իր սկանդալային հարցազրույցից հետո, որտեղ հավաքականի խաղացողներին մեղադրել էր Ալբանիայի հետ խաղը ծախելու կամ վատ խաղալու մեջ, դա անհետեւանք չի մնա։
Արդեն կային տեղեկություններ, որ Մովսիսյանը, Կասպարովն ու Արզումանյանը հայտնվել են հավաքականի «սեւ ցուցակում»։
Բայց մինչեւ երեկ էլ հույս ունեինք, որ այս ամենը կհարթվի, որ «սեւ ցուցակի» մասին խոսակցությունները մտացածին են։ Ցավոք սրտի, այս ամենը իրականություն է։
Իսկ դա նշանակում է, որ մեր հավաքականը ծանր վիճակի մեջ է հայտնվելու։ Ոչ միայն նրա համար, որ զրկվելու է վերոհիշյալ խաղացողներից։ Ծանր է լինելու, որովհետեւ հավաքականի գլխավոր մարզիչ Վարուժան Սուքիասյանը բարդ դրության մեջ է հայտնվել ու այդպես էլ մնալու է։ Որովհետեւ ինքը մարզիչի կարգավիճակով չի աշխատելու։ Իր ձայնը որոշիչ չի լինելու, իր տեսակետը երկրորդ պլանում է լինելու։ Այս իրավիճակում իրենից ինչպե՞ս լավ արդյունքներ ակնկալենք։
Կարդացեք նաև
Ու սա դեռ սկիզբն է. պաշտոնական հանդիպումները աշնանն են սկսվելու ու ինչ է լինելու մինչ այդ՝ դժվար է ասել։
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
