Ազգությամբ ռուս ռազմական փորձագետ Իվան Կոնովալովը RUSARMINFO-ի թղթակցի հետ զրույցում համեմատելով հայկական եւ Ադրբեջանական բանակներն՝ ասել է. «Բոլորը գիտեն, որ հայկական բանակը եւ ԼՂՀ բանակը հետխորհրդային տարածքում լավագույններից մեկն են: Նրանք լավ պատրաստված են, ունեն ղեկավարման կանոնավոր համակարգ: Հայկական բանակը հանդիսանում է այն լավ հետեւորդը, որը կար խորհրդային բանակում: Ես տեսել եմ, թե ինչպիսի մանրակրկիտորեն փոխանցվել է այն փորձը նոր հայկական բանակին` խորհրդայինից: Ադրբեջանական բանակը չի հանդիսանում լավ ավանդույթներ ունեցող խորհրդային հաղթած բանակի հետեւորդը, այդ պատճառով էլ այնտեղ կիրառում են պատճենահանված ուրիշի փորձը` ամերիկյան, Իսրայելի: Նրանք չկարողացան ձեւավորել իրենց բանակը»:
Ռուս փորձագետի խոսքերով, ասելով «Իսրայելական բանակ», միանգամայն հասկանալի է ինչի մասին է խոսքը, «հայկական բանակ»` բոլորին հայտնի է ինչի մասին է խոսքը:
Փորձագետն անդրադառնալով ադրբեջանական բանակին՝ նաեւ ասել է, որ եթե մշակված չէ սեփական ռազմական մեթոդը, բանակն այդ իմաստով միշտ մնում է կիսաֆաբրիկատ վիճակում:
Փորձագետ Իվան Կոնովալովի մեկնաբանություններն առավել մանրամասն` տեսանյութում
Կարդացեք նաև
Պատրաստեց Լուսինե ԲՈՒԴԱՂՅԱՆԸ
