«Նա, ով դիտարկում է Մադրիդ, Կազան կամ այլ՝ Հայաստանը, հայրենիքը զիջող փաստաթուղթ, բռնել է հայրենիքից ինքնահրաժարականի ճանապարհը»,- այսօր Ծիծեռնակաբերդի հուշահամալիրում նման կարծիք հայտնեց «Ժառանգություն» կուսակցության նախագահ Րաֆֆի Հովհաննիսյանը:
Ըստ նրա, Թուրքիայի ցեղասպան ու ժխտողական քաղաքականության մեջ չկա փոփոխություն: Թեեւ կա հասարակական, թուրք ազատականների հոսանք, որ հասկանում են՝ պետք է փոխվի պետական քաղաքականությունը, բայց Թուրքիան մնում է նախահարձակ՝ սատարելով Ադրբեջանի եղեռնածին պատերազմին. «Պետք է հասկանանք, որ այսօր աննախադեպ աղետի առջեւ ենք կանգնել՝ թե ներքին, թե արտաքին, որ այլեւս թե մարդկային, թե տարածքային կորուստ չտանք, պետք է արտահերթ լուծումներ գտնենք: Արտահերթ լուծումներ՝ մեր պետականության, մեր զինվորի, բանակի շուրջ համախմբվելու, բայց ոչ երբեք այս կամ այն իշխանավորի»:
Ըստ նրա, առանց ներքին լուծումների՝ արտահերթ ընտրությունների, չի լինելու ցեղասպանության, Արցախի ճանաչում:
Մանրամասները տեսանյութում.
Կարդացեք նաև
Արփինե ՍԻՄՈՆՅԱՆ
