Ամերիկյան KABC հեռուստակայանի (ABC 7) նախագահ և գլխավոր կառավարիչ Շերիլ Կունին Ֆեյրը ամերիկահայ «Ասպարեզ» թերթին հղած նամակում հայտնել է, որ ապրիլի 24-ին երկու թուրքերից հարցազրույց վերցնելիս հայերին վիրավորած օպերատորն իրենց հաստիքային աշխատողը չէ, իսկ նրա ծառայություններից հեռուստակայանն այսուհետ հրաժարվում է:
«Շնորհակալ ենք համայնքին, որ մեր ուշադրությունը հրավիրեց տեսանյութի վրա: ABC 7- ի մասնագիտական սկզբունքներին հակասում են այդ որակումները, և ներողություն ենք խնդրում բոլոր նրանցից, ում վիրավորել են դրանք: Տվյալ օպերատորն ABC 7-ի հաստիքային աշխատակից չէ, և հեռուստակայանը որոշել է այսուհետ չօգտվել նրա ծառայություններից»,- նամակում գրել է հեռուստակայանի նախագահը՝ ավելացնելով, որ ամենակարևորն այն է, որ իրենց հեռուստակայանի եթերով սփռված համապատասխան ռեպորտաժն անկողմնակալ ու բարեխիղճ է եղել:
Ավելի վաղ համացանցում տեսագրություն էր տարածվել, որում ամերիկյան ABC 7 հեռուստակայանի՝ Թիմ անունով ներկայացող օպերատորն ազգությամբ թուրք երկու ամերիկացիների հետ զրույցում ասում է, թե հայերի մեծ մասը «բանդիտանման ապուշ» է (thug-tipe idiot):
Ռուզան ԽԱՉԱՏՐՅԱՆ
Կարդացեք նաև
Հոդվածն ամբողջությամբ՝ սկզբնաղբյուր կայքում
