«Բարքեմփ 2016» չկոնֆերանսի ընթացքում «Ջիջի տաքսիի» համահիմնադիր Խաչատուր Գրիգորյանը ելույթում պատմել էր. «Ընդամենը 2 ամիս առաջ մեզ մոտ հյուր եկան 2 հոգի, որոնցից մեկը հայ էր, մյուսը չես կասկանա ինչ էր կիսաուկրաինացի էր, երեկ նա այստեղ ելույթ էր ունենում (նկատի ուներ «Յանդեքս» տաքսիի ներկայացուցիչ Դանիիլ Շուլեյկոյին): Իրեն հրավիրել էին, եւ ես դա դավաճանություն եմ համարում, այո՛, ես ուզում եմ դա նշել, որովհետեւ հայ ազգի խնդիրը միշտ եղել է այն, որ նա միասնական կյանքում չի եղել: Բայց այդ բանը պետք է մի օր վերջանա, ու մենք պետք է բառերն իրենց անուններով նշենք: Այդ մարդիկ եկել էին մեր գրասենյակ եւ առաջարկում էին 4 միլիոն դոլար մեր ընկերության համար, ու վախեցնում էին նրանով, որ երբ որ նրանք կգան մեր քաղաք, կտեւի ընդամենը 5-6 ամիս, երբ որ նրանք կհասնեն մեր թվերին»:
B4B.am-ը գրավոր հարցում է ուղղել Yandex.Taxi ընկերության մարքեթինգի գծով ղեկավար Դանիիլ Շուլեյկոյին (լուսանկարում)՝ ճի՞շտ է արդյոք, որ իրենք 4 մլն դոլար են առաջարկել «Ջիջի տաքսիի»համար։ Շուլեյկոն պատասխանել է. «Մենք իրոք հանդիպել ենք և քննարկել Яндекс.Такси-ի՝ Երևան գալու հնարավոր սցենարները։ Սակայն բանը չի հասել հնարավոր գործարքի կառուցվածքին և առավել ևս՝ գնահատականին» (“Мы действительно встречались и обсуждали возможные сценарии прихода Яндекс.Такси в Ереван. Но до структуры возможной сделки и тем более оценки мы не дошли”):
