1904-1908թթ. Նամիբիայում գերմանացիների իրականացրած կոտորածները Գերմանիայի կառավարությունը որպես ցեղասպանություն է ճանաչել։ Այս մասին տեղեկացնում է Deutsche Welle լրատվականի թուրքական ծառայությունը։
Այսպիսով Նամիբիայի հերերո և նամա ժողովուրդների հանդեպ իրականացված կոտորածներն առաջին անգամ որպես ցեղասպանություն նշվեցին գերմանական պաշտոնական գրագրության մեջ։
Նամիբիայի ցեղասպանության ճանաչումից հետո գերմանական Բունդեսթագը հայտարարություն է տարածել, որտեղ ասվում է. «Ցեղասպանություն արտահայտության կիրառումը Գերմանիայի տեսանկյունից իրավական ոչ մի հետևանքների չի հանգեցնի»։
Հիշեցնենք, որ 1904թ. Նամիբիայի հերերո և նամա ժողովուրդները ապստամբել են գերմանացի գաղութարարների դեմ, որի հետևանքով սպանվել են տասնյակ հազարավոր մարդիկ։ Տեղեկություններ կան, որ այդ գործողությունների հետևանքով զոհերի թիվը շուրջ 100.000 է։
Կարդացեք նաև
