Թուրքական Posta լրատվամիջոցը, հղում կատարելով Թուրքիայի կառավարությանը մոտ կանգնած իր աղբյուրներին, տեղեկացնում է, որ այդ երկրի վարչապետ Բինալի Յըլդըրըմը զանգահարել է ԱՄՆ փոխնախագահ Ջո Բայդենին և մանրամասներ քննարկել 2016թ. հուլիսի լույս 16-ի զինվորական հեղաշրջումը կազմակերպելու գործով մեղադրվող Ֆեթուլլահ Գյուլենին Թուրքիային արտահանձնելու վերաբերյալ։
Հեռախոսազրույցի ընթացքում ԱՄՆ փոխնախագահ Բայդենը քննադատել է հեղաշրջման փորձը և նշել, որ իր երկիրը կշարունակի սատարել Թուրքիայի իշխանություններին։
Գյուլենին արտահանձնելու մասով Բայդենը տեղեկացրել է Յըլդըրըմին, որ ԱՄՆ-ն տեղյակ է այդ հարցով Թուրքիայի ակնկալիքների մասին, բայց ԱՄՆ Փենսիլվանիա նահանգում բնակվող Գյուլենին արտահանձնելու վերաբերյալ որոշում պետք է կայացնի ԱՄՆ անկախ դատարանը։
