«Լուսածին աչքի միկրովիրաբուժական կլինիկայի» տնօրեն, պրոֆեսոր Մանուկ Մանուկյանի համոզմամբ, բնության ներդաշնակությունը խախտելու հետեւանքով մոլորակի վրա հիվանդությունները շատացել են: Նրա խոսքերով. «Երկրագունդը պատված է օզոնային շերտով: Հո պատահական չէ՞ ստեղծվել այդ օզոնային շերտը: Այն պաշտպանում է մեզ ռենտգենյան ու ուլտրամանուշակագույն ճառագայթներից: Հենց այդ անցքերը բացվեցին, կոսմոս բարձրացան, գերճառագայթում է գնում եւ երեք հիվանդություն` քաղցկեղ, շաքարային դիաբետ եւ կատարախտ, վխտում են մոլորակի վրա»,-այսօր «Տեսակետ» ակումբում այսպիսի կարծիք հայտնեց պրոֆեսորը:
Նրա տվյալներով, եթե հինգ տարի առաջ յուրաքանչյուր ամիս կատարախտի 20 վիրահատություն անում, ներկայումս 150 վիրահատություն են կատարում:
«Քանի որ շաքարը քայքայում է անոթային ամբողջ համակարգը, աչքի հատակում անոթները պայթում են եւ տալիս է արյունազեղում, ցանցաթաղանթում, ուղեղում արյունազեղում է լինում»:
Լուսինե ԲՈՒԴԱՂՅԱՆ
