ՖԻԴԵ-ի նախագահն այս մասին Բաքվում կայացած համաժողովում տեղեկացրել է շախմատի միջազգային ֆեդերացիայի անդամներին: Ավելի վաղ Իլյումժինովը նամակով դիմել էր ԱՄՆ-ի նախագահին եւ իրազեկվել այն գրանցվելու մասին: «Ես ԱՄՆ-ի նախագահին ինձ քաղաքացիություն շնորհել խնդրել եմ, որպեսզի ԱՄՆ-ի ֆիննախի կազմած սեւ ցուցակում հայտնված իմ գործը քննվի տեղի դատարանում, ամերիկյան հողում, ամերիկյան օրենքներով»,- հայտարարել է Իլյումժինովը:
Նա նաեւ հայտարարել է, թե մտադիր է ԱՄՆ-ի ֆինանսների նախարարությունից փոխհատուցում պահանջել: «Եթե ամերիկացի պաշտոնյաները սխալ են, ապա ես ներողություն եւ փոխհատուցում եմ պահանջելու: Խոստանում եմ՝ այդ փողերն ուղղել շախմատի զարգացմանը», – տեղեկացրել է Կիրսան Իլյումժինովը:
2015 թվականի վերջին ԱՄՆ-ի ֆիննախը իր պատժացուցակում մտցրել էր նաեւ Կիրսան Իլյումժինովի անունը՝ Սիրիայի կառավարությանը եւ Սիրիայի կենտրոնական բանկին նյութական աջակցություն ցույց տալու եւ ի նպաստ գործելու համար: ՖԻԴԵ-ի նախագահը հայց է ներկայացրել ֆինանսական գերատեսչության դեմ: Իլյումժինովը պահանջում է $ 50 միլիոն փոխհատուցում եւ ներողություն խնդրել՝ իր անունն անհիմն պատժացուցակ մտցնելու համար:
Աշոտ ՀԱԿՈԲՅԱՆ
Կարդացեք նաև
Լուսանկարը՝ tass-ի
