Այսօր Վարչական դատարանում Ոստիկանությունն ընդդեմ լրագրող Գայանե Առուստամյանի դատական նիստը տեղի չունեցավ, այն հետաձգվեց ոստիկանության ներկայացուցչի ոչ լիարժեք փաստաթղթերի պատճառով:
Պարզվեց, որ Ոստիկանության ներկայացուցիչ Սոնա Մելիքյանի լիազորությունները հավաստող փաստաթղթի ժամկետը լրացրել է, և դատարանը հետաձգեց դատական նիստը՝ նրան հնարավորություն տալով նոր լիազորագիր ներկայացնելու: Դատական հաջորդ նիստը նշանակվեց վաղը:
Հիշեցնենք, որ ոստիկանությունը պահանջում է վարչական պատասխանատվության ենթարկել Գայանե Առուստամյանին: Վերջինիս պաշտպանական կողմն էլ հակընդդեմ հայց է ներկայացրել ընդդեմ Ոստիկանության՝ պահանջելով ոչ իրավաչափ ճանաչել Ոստիկանության գործողությունները:
Հիշեցնենք նաեւ, որ 2015 թվականի մայիսի յոթին Գայանե Առուստամյանը օպերային հարող հատվածում փողոցը հատելիս ոստիկանի սուլոցին ի պատասխան ասել է՝ ինչու ես սուլում էշ: Ոստիկանին վիրավորելու համար ոստիկանությունը հայցադիմում է ներկայացրել դատարան:
Կարդացեք նաև
Առուստամյանի պաշտպան Տաթեւիկ Սիրադեղյանից դեռ չի ցանկանում գնահատել ոստիկանության ներկայացրած ապացույցների մասին, ասաց՝ այդ մասին իրենց գնահատականները կներկայացնի պաշտպանական ճառում:
Արփինե ՍԻՄՈՆՅԱՆ
