«ՀՀ-ն ինչ-որ առումով կանգնած է անվճարունակության շեմին: Այդ ահազանգը նրա մասին է, որ տնտեսությունը գահավիժում է, զարգացման ռեսուրսները վերջացել են: Իշխանությունը պետք է նոր մոտեցումներով փորձի վիճակը շտկել»,-Կոմիտասի անվան պանթեոնում 1999 թվականի հոկտեմբերի 27-ի ահաբեկչության զոհը դարձած ԱԺ նախագահ Կարեն Դեմիրճյանի հիշատակի արարողության ժամանակ լրագրողների հետ զրույցում ասաց տնտեսագետ Վահագն Խաչատրյանը՝ անդրադառնալով ՀԱԿ առաջնորդ Լեւոն Տեր-Պետրոսյանի՝ վերջերս հնչեցրած հայտարարությանը:
Հիշեցնենք՝ Լեւոն Տեր-Պետրոսյանն ասել էր. «Մեր երկրին մոտ ժամանակներս սպառնում է իրական տնտեսական աղետ` այս անգամ թաքնված ԴԵՖՈԼՏ «բարեհունչ» անվան տակ»:
Վահագն Խաչատրյանն անդրադարձավ Կենտրոնական բանկի պնդումներին, թե դեֆոլտի վտանգ չկա. «Պետական պարտք վերցնելու հնարավորություն չունենք, ինչի՞ հաշվին ենք այն սպասարկելու»: Վահագն Խաչատրյանը համոզմունք հայտնեց, որ Հայաստանը «դեֆոլտի» շեմին է:
Մանրամասները՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
