Բազկամարտիկ, աշխարհի եւ Եվրոպայի բազմակի չեմպիոն, Տավուշի մարզի Գետահովիտ գյուղից սերված Արմեն Չապուխյանը մեծ դեր ունի հայրենի գյուղում այդ մարզաձեւի տարածման գործում: Գետահովտեցի նրա սաները Եվրոպայի եւ Հայաստանի առաջնությունների հաղթողներ եւ մրցանակակիրներ են:
Արմենն այժմ բնակվում է Երեւանում, մշտապես մարզվում է, նաեւ՝ մարզում բազմամարտիկների: Չնայած մայրաքաղաքում է ապրում, սակայն սերտ կապի մեջ է հայրենի եզերքի հետ: 2016թ. նոյեմբերի 7-ին Երեւանի պետական համալսարանի Իջեւանի մասնաճյուղում կայացել է բազկամարտի մասնաճյուղային առաջնություն, որի պատվավոր հյուրն է եղել Արմեն Չապուխյանը: ԵՊՀ Իջեւանի մասնաճյուղի տնօրեն Սամվել Առաքելյանը Ա. Չապուխյանին նվիրել է մասնաճյուղի կիրառական ֆակուլտետի ուսանողներից մեկի աշխատանքը:
Արմեն Չապուխյանը ու հայտնի բռնցքամարտիկ Արթուր Աբրահամը ընկերներ են: Մի անգամ ընկերաբար մրցել են, լրագրողներն Արմենին հարցրել են՝ ո՞վ հաղթեց: Նա պատասխանել է՝ ես հաղթեցի բոքսում, Արթուրը՝ բազկամարտում:
Կարդացեք նաև
2016թ. փետրվարի 26-ին Լաս-Վեգասում կայացած «Վենդետա» հեղինակավոր մրցաշարում ծանր քաշային Արմեն Չապուխյանը մրցել է գերծանր քաշային, ԱՄՆ-ի չեմպիոն Քրիստիան Բինի հետ եւ հաղթել 4;2 հաշվով:
Արմեն Չապուխյանը լավ ընտանիք ունի, 2 զավակ՝ Բորիս անունով (Արմենի հոր անունն է) 13-ամյա տղա եւ Մարիամ անունով 6-ամյա դուստր: Հետաքրքիր զուգադիպությամբ՝ Արմենը եւ իր մայրը նույն օրն են ծնվել: Այսօր ՝ նոյեմբերի 12-ին Արմեն Չապուխյանը դարձավ 38 տարեկան, նրա մայրը՝ տիկին Սուսաննան 64 տարեկան:
Ոսկան ՍԱՐԳՍՅԱՆ
