Լրահոս
Օրվա լրահոսը

Երաժշտությունն այնքան բարձր է միացրել ու ճչոցներ արձակել, որ դատապարտյալները լեղապատառ են եղել․ ի՞նչ է կատարվել Արթիկ քրեակատարողականում

Նոյեմբեր 20,2026 20:20 Share
Աջակցեք aravot.am-ին

Aravot.am-ի տեղեկություններով, նոյեմբերի 7-ին դատապարտյալներից մեկը մեծ իրարանցում է սկսել Արթիկ քրեակատարողական հիմնարկում։

Կարանտինային բաժանմունքում գտնվող 60-ամյա դատապարտյալներից մեկը, որը դատապարտվել է ՀՀ Քրեական օրենսգրքի երեք հոդվածներով՝ գողության (177 հոդվածի 1-ին մասով), սուտ մատնության (333 հոդվածի 1-ին մասով) և թմրամիջոցներ, հոգեմետ նյութեր հափշտակելու (397 հոդվածի 1-ին մաս) հատկանիշներով, իր կացարանում բարձր երաժշտություն է միացրել ու, չենթարկվելով քրեակատարողական հիմնարկի աշխատակիցների օրինական պահանջին, սկսել է բղավել, աղմկել, սեռական բնույթի հայհոյանքներ հնչեցնել քրեակատարողականի ծառայակիցների հասցեին։

Նա միաժամանակ սպառնացել է ազատվելուց հետո հաշվեհարդար տեսնել նրանց հետ։

Տևական ժամանակ խաթարվել է քրեակատարողական հիմնարկի բնականոն աշխատանքը, տվյալ մասնաշենքում գտնվող դատապարտյալների անդորրը։

Արթիկի և Անիի քննչական բաժնում նոյեմբերի 10-ին փաստի առթիվ նախաձեռնվել է քրեական վարույթ՝ ՀՀ Քրեական օրենսգրքի 194 հոդվածի 2-րդ մասի 1-ին կետի՝ այն է՝ «Հոգեկան ներգործությունը» և 297 հոդվածի 1-ին մասի՝ «Խուլիգանության» հատկանիշներով։

Ի դեպ, դատապարտյալը Արթիկ քրեակատարողական հիմնարկում է 2025 թվականի հուլիսից, նա Լոռու մարզի գյուղերից մեկի բնակիչ է։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Նոյեմբեր 2026
Երկ Երե Չոր Հնգ Ուրբ Շաբ Կիր
« Հոկ    
 1
2345678
9101112131415
16171819202122
23242526272829
30