Ծննդկան Մերի Մարգարյանի եւ նրա նորածին դստեր մահվան գործով դատական նիստին այսօր պետք է հարցաքննվեր «Էրեբունի» բ/կ-ի ծննդօգնության գծով տնօրեն, մանկաբարձ-գինեկոլոգ Անդրանիկ Պողոսյանը: Նա սակայն, այսօր չէր ներկայացել դատարան՝ պատշաճ չծանուցված լինելու պատճառով:
Երեւանի Շենգավիթ վարչական շրջանի ընդհանուր իրավասության դատարանի որոշմամբ, դատական նիստը հետաձգվեց՝ նշանակվելով հունվարի 10-ին:
Հիշեցնենք, որ ծննդկանի եւ նորածնի մահվան համար մեղադրվում են «Շենգավիթ» ԲԿ-ի բժշկուհի, Մերի Մարգարյանի հղիությունը վարած Շուշանիկ Բախշյանը եւ հուլիսի 25-ի հերթապահ բժշկուհի Անի Բաբելյանը՝ Քրեական օրենսգրքի 130-րդ հոդվածի 2-րդ մասով:
Արփինե ՍԻՄՈՆՅԱՆ
