«Սարսափելի վիճակ էր, ուղղակի նկարագրել չեմ կարող: Պատուհանը` պուճուր , պատերը` քանդած, լվացարանը` ժանգոտած, բացում ես ծորակը` ժանգաջուր է գալիս»,- ամուսնու խոսքերն է «Ա1+»-ին փոխանցել դատապարտյալներից մեկի կինը:
Դատապարտյալներն խնդրել են բանտի ղեկավարությանը` եթե պետական միջոցներով հնարավոր չէ նորոգել, ապա գոնե առավելագույնը մինչեւ փետրվարի 5-ը ժամանակ տան իրենց, որպեսզի ընտանիքների տրամադրած գումարով նորոգեն խուցը. «Որովհետեւ զզվելի է, սանհանգույցից օգտվել ընդհանրապես չեն կարող» : Իրենց հաշվարկով` 50-60 հազար դրամը բավարար կլինի խուցը «բնակելի» դարձնելու համար:
Ընդ որում` դատապարտյալներին զարմացրել է հանգամանքը, որ իրենց խցի պատուհանը նույնքան փոքր է, որքան ցմահ դատապարտվածներինը:
Առաջարկը չի ընդունվել «Նուբարաշեն» ՔԿՀ-ի ղեկավարության կողմից: Եւ խուցը լքել չցանկացողների նկատմամբ գործի են դրվել մահակները, եւ դատապարտյալները դիմել են ինքնավնասման:
Կարդացեք նաև
Ըստ հարազատների` երեքի վերքերն այնքան լուրջ են, որ նրանց արդեն մի քանի անգամ տարել են քաղաքացիական հիվանդանոց : «Ամուսինս երակներն էր կտրել»,- տեսակցությունից հետո պատմեց կինը , որը վաղը պատրաստվում է գնալ Արդարադատության նախարարի մոտ:
Հարազատները մտավախություն ունեն, որ վաղը դատապարտյալների նկատմամբ «Նուբարաշեն» ՔԿՀ-ում կրկին ուժ կգործադրվի, քանի որ կրկին նրանց փորձելու են տեղափոխել , իսկ վերջիններս որոշել են` կտեղափոխվեն միայն այն դեպքում, երբ նոր խուցը նորոգվի : Իսկ եթե գործի դրվեն մահակները, դատապարտյալները կրկին ինքնավնասման կդիմեն:
Հոդվածն ամբողջությամբ՝ սկզբնաղբյուր կայքում:
