Ապրիլի 2-ին կայանալիք խորհրդարանական ընտրություններում Հայ հեղափոխական դաշնակցության համամասնական ցուցակում ընդգրկված է լինելու նաեւ հայտնի միկրովիրաբույժ, Երեւանի թիվ համալսարանական կլինիկայի տնօրեն Արտավազդ Սահակյանը: Նա ծնունդով Տավուշի մարզի Նոյեմբերյանի տարածաշրջանի սահմանամերձ Կողբ գյուղից է : Կողբի բնակիչ է Տավուշի մարզպետ, ՀՀԿ Տավուշի մարզային կառույցի ղեկավար Հովիկ Աբովյանը: Ա. Սահակյանը Տավուշի մարզում, հատկապես՝Նոյեմբերյանի տարածաշրջանում, մեծ հեղինակություն է վայելում: Արտավազդ Սահակյանն անկուսակցական է: Նա մեզ հետ զրույցում չժխտեց, որ առաջիկա խորհրդարանական ընտրություններում իր անունը լինելու է ՀՅԴ վարկանիշային ցուցակում: Հայտնի միկրավիրաբույժը հայտնեց, որ ինքն է ղեկավարելու դաշնակցության Տավուշի մարզի վարկանիշային ցուցակը: Ա. Սահակյանը 1995-1999 թվականներին մեծամասնական ընտրակարգով Տավուշի մարզի Նոյեմբերյանի տարածաշրջանից ԱԺ պատգամավոր էր:
Առաջիկա խորհրդարանական ընտրություններում ՀՀԿ վարկանիշային ցուցակում ընդգրկվելու է նաեւ Իջեւանի քաղաքապետ Վարդան Ղալումյանը: Նա 2011թ. նոյեմբերի 13-ին կայացած ՏԻՄ ընտրություններում, լինելով «Բարգավաճ Հայաստան» կուսակցության անդամ , ընտրվել է Իջեւան համայնքի ղեկավար: Հետագայում նա դուրս է եկել այդ կուսակցությունից, անդամագրվել ՀՀԿ-ին: 2015թ. սեպտեմբերի 13-ին կայացած քաղաքապետի ընտրություններում Վարդան Ղալումյանը մրցակցել է Իջեւանի նախկին քաղաքապետ Վարուժան Ներսիսյանի հետ` ստանալով 6241 քվե:
Ոսկան ՍԱՐԳՍՅԱՆ
Ոսկան հոդվածը կարդալով հասկացա, թե ով կլինի այս հոդվածի հեղինակը։ Նախ Վարդան Ղալումյանը ՀՀԿ-ի ռեյտինգային ցուցակում չի լինելու, իսկ եկրորդը ՀՅԴ ռետինգային ցուցակը գլխավորելու է Վարդան Ալեքսանյանը, Արտավազդ Սահակյանը լինելու է ցուցակի 5-րդ հորիզոնակում։
Հարգելի Նաիրա, հարգելի բժշիկն ինձ երեկ ասել է, որ ինքն է գլխավորելու ՀՅԴ մարզային ցուցակը: Նմանապես Վարդան Ղալումյանն է ինձ ասել, որ ինքը լինելու ՀՀԿ ցուցակում: Ես իրենց չհավատալու հիմքեր չունեմ, կապրենք,կտեսնենք: Ինչ վերաբերում է հոդվածի հեղինակին ինքնությանը հասկանալուն, հասկանալու բան չկա, նյութի տակ հեղինակի անունը գրված է:
Հարգարժան Ոսկան Սարգսյան, անկուսակցական Արտավազդ Սահակյանը ի՞նչ է կորցրել, որ չի գտնում ՀՅԴ հարթակում: Հիվանդների հույսո՞վ է թեկնածություն դնում, թե լինելով լավ բժիշկ կարծում է կլինի նաև լավ քաղաքագետ: Ամեն մարդ պետք է իր գործով զբաղվի;