ԵԱՀԿ/ԺՀՄԻԳ ընտրությունների դիտորդական առաքելության ղեկավար դեսպան Յան Պետերսենի հետ հանդիպմանն այսօր լրագրողները հետաքրքրվեցին, թե արդյոք առաքելության առաջարկներն ընդգրկվել են ՀՀ նոր Ընտրական օրենսգրքում:
«Մեր օրակարգի մասն են կազմելու նաեւ մեր նախկին առաջարկները, բայց նախնական գնահատականներ հիմա տալ չեմ կարող, դրանք կլինեն մեր առաջիկա զեկույցում»,-նկատի ունենալով ընտրություններից հետո հրապարակվելիք ԵԱՀԿ/ԺՀՄԻԳ զեկույցը՝ ասաց դեսպանը:
Նրա բնորոշմամբ՝ դիտորդական առաքելությունը ցանկացած նախընտրական շրջան գնահատում է տեղում. «Ցանկացած հնարավոր զարգացում մեզ համար կարեւոր է»:
Լրագրողները նաեւ հարցրին, թե ընտրական գործընթացի տեխնիկական նորամուծությունները, այդ թվում՝ ուղիղ հեռարձակումն ու տեսախցիկները, որքանո՞վ են բացառելու ընտրակեղծարարությունը:
Կարդացեք նաև
Յան Պետերսենը պատասխանեց, որ նորամուծություններին ծանոթ են. «Ունենք փորձագետներ, որոնք կգնահատեն դրանց կիրառումը: Կարծում եմ՝ նրանք ճիշտ են «դիրքավորվել», որպեսզի հետեւեն բոլոր հիմնական առանձնահատկություններին: Այդ նորամուծությունների առնչությամբ նախնական գնահատականներ չենք տալիս, ունենք պատշաճ քանակով փորձագետներ, որպեսզի առաջիկայում գնահատական տանք»:
Մանրամասն՝ տեսանյութում
Լուիզա ՍՈՒՔԻԱՍՅԱՆ
