«Հանրապետություն» կուսակցության («ԵԼՔ» դաշինք) նախագահ Արամ Սարգսյանը, հետեւելով պատգամավոր Նիկոլ Փաշինյանի՝ վարչապետին օրերս ուղղած կոչին, կրկնում է. «Դանակ մի՜ ներկրեք ՀՀ»: «Կամ վարչապետին կհորդորեմ հրահանգ տա՝ խանութներում դանակ վաճառելուց ճշտեն՝ հանրապետակա՞ն է, եթե այո, չվաճառեն»,-«ԵԼՔ» դաշինքի միասնական շտաբում այսօր լրագրողների հետ հանդիպմանը մեկնաբանելով տեղեկությունները, որ ՀՀԿ վարկանիշային ընտրակարգով առաջադրված թեկնածուի եւ այլ թեկնածուի միջեւ տարաձայնությունները հասել են դանակահարության, ասաց դաշինքի մասը կազմող «Հանրապետություն» կուսակցության նախագահ Արամ Սարգսյանը:
«Լուսավոր Հայաստան» կուսակցության նախագահ Էդմոն Մարուքյանն էլ այսպես արձագանքեց դանակահարության միջադեպին. «Եթե դանակահարության եւ ծեծուջարդի վրա է հույսները, ի՞նչ ասեմ… Վստահ եմ՝ եթե իսկապես արդար ընտրություններ լինեն, անհնար է, որ ՀՀԿ-ն խորհրդարանում լինի մեծամասնություն»:
«Քաղաքացիական պայմանագիր» կուսակցության վարչության անդամ, պատգամավոր Նիկոլ Փաշինյանի խոսքով՝ միջադեպը ազդակ է հանրության համար, որ ՀՀԿ-ն ընտրապայքարը դնում է դանակահարել ընդունակ մարդկանց ուսերին:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ