Ավելուկի մի տեսակը, որն ունի թթու համ, կոչվում է թրթնջուկ, որի մատղաշ տերեւները հարուստ են A, B, C, D վիտամիններով եւ հանքային աղերով: Այն պարունակում է օրգանական թթուներ` խնձորաթթու եւ կիտրոնաթթու: Ամռանը տերեւների մեջ շատ թրթնջկաթթու կա, այդ պատճառով այն ուտում են գարնանը: Այս բույսն օժտված է բուժիչ հատկանիշներով, բայց լյարդի հիվանդությունների, աղերի կուտակումների, գաստրիտի, կոլիտի, թոքախտի դեպքում թրթնջուկը հակացուցված է:
Սպանախը մեծ քանակությամբ կալիում, մագնեզիում եւ C վիտամին է պարունակում: Սպանախն օգնում է փորկապության դեպքում, շատ լավ միջոց է ռադիոակտիվ ճառագայթման դեմ: Սպանախը պետք է օգտագործել քաղելուց անմիջապես հետո, քանի որ հետագայում նրա մեջ գոյանում են ազոտաթթվական աղեր, որոնք վնասակար են օրգանիզմի համար: Օգտակար է նաեւ թարմ սպանախի աղցանը:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
04.05.2017
