Անցած տարի նոյեմբերին ԱԱԾ-ի կողմից Նորք-Մարաշում վնասազերծված զինված խմբավորման գործով դատական նիստն այսօր հետաձգվեց գործով ամբաստանյալ, ՊՆ նախկին փոխնախարար Վահան Շիրխանյանի առողջական խնդիրների պատճառով: Նրա համար դատարանը շտապ օգնություն է հրավիրել:
Դատական նիստը հետաձգվել է կես ժամով: Ամբաստանյալներից եւս մեկը հայտնեց ինքնազգացողության վատ լինելու մասին, շտապ օգնությունը կհետազոտի նաեւ նրան:
Այս գործի շրջանակներում, հիշեցնենք, մեղադրանք է առաջադրվել 33 անձի, որոնցից 20-ը կալանավորված են: Մեղադրանքն առաջադրվել է հանցավոր համագործակցություն ստեղծելու և ղեկավարելու, հանցավոր համագործակցությանը մասնակցելու և կազմակերպված խմբի կողմից ապօրինի կերպով հրազեն, ռազմամթերք, պայթուցիկ նյութեր ձեռք բերելու, իրացնելու, պահելու, փոխադրելու և կրելու հոդվածներով:
Արփինե ՍԻՄՈՆՅԱՆ
