Ինչպես ավելի վաղ հայտնել էինք, այսօր ոստիկանության ՊՊԾ գունդը գրաված «Սասնա ծռեր» զինված խմբի գործով դատավարությունը արդեն երկրորդ անգամ ընդմիջվել էր մեկական ժամով:
Քիչ առաջ նիստը վերսկսվեց, որի ընթացքում դատավոր Արտուշ Գաբրիելյանը ընթերցեց մեղադրյալներից Գագիկ Եղիազարյանի պաշտպան Տիգրան Եգորյանի գրությունը, համաձայն որի՝ Եգորյանը անհնար է դիտարկում առանց իր պաշտպանյալ Գագիկ Եղիազարյանի նիստերին մասնակցելը: Հիշեցնենք, որ Գագիկ Եղիազարյանին դատավորը տեղից խոսելու համար հեռացրեց նիստերի դահլիճից 6 ժամով:
Դատավորը պարզաբանեց՝ փաստաբանը իրավունք չունի դահլիճը լքել առանց դատավորի թույլտվության: Արտուշ Գաբրիելյանը այդ քայլը դիտեց որպես անհարգալից վերաբերմունք դատարանի հանդեպ եւ որոշեց հեռանալ խորհրդակցական սենյակ՝ դատական ակտ կայացնելու:
Նիստը ընդմիջվեց արդեն երրորդ անգամ, այս անգամ՝ 30 րոպեով, ինչը կրկին առաջացրեց մեղադրյալների հարազատների եւ համակիրների զայրույթը:
Լուիզա ՍՈՒՔԻԱՍՅԱՆ
