ԵԽԽՎ 5 հիմնական քաղաքական խմբավորումներից մեկը ձայների մեծամասնությամբ անվստահություն է հայտնել ԵԽԽՎ գործող նախագահ Պեդրո Արգամունտին: Այս մասին գրում է «ՌԻԱ Նովոստին»՝ վկայակոչելով սեփական աղբյուրը:
«Մեծամասնությունը կողմ է քվեարկել Ագրամունտին անվստահություն հայտնելուն»,- ասել է աղբյուրը՝ հրաժարվելով թվեր հրապարակել:
Գործակալության տվյալներով՝ կողմ է քվեարկել 38, դեմ՝ 26 պատգամավոր, երկու պատգամավոր էլ ձեռնպահ են մնացել:
Հիշեցնենք, վերջերս Ագրամունտը ԵԽԽՎ պատգամավորների պատվիրակության կազմում առանց ԵԽԽՎ-ի կողմից լիազորվելու այցելել էր Սիրիա, որը մեծ սկանդալի տեղիք էր տվել:
ԵԽԽՎ կանոնակարգի համաձայն՝ընտրված պաշտոնից, մասնավորապես ԵԽԽՎ նախագահի պաշտոնից զրկելու մեխանիզմներ չեն նախատեսվում: ԵԽԽՎ նախագահը պաշտոնից կարող է հեռանալ միայն կամավոր:
Պատրաստեց՝ Վիկտորյա ԱՆԴՐԵԱՍՅԱՆԸ
