Սմբուկը` բադրիջանը, գնահատելի է հատկապես իր հակասկլերոզային հատկանիշների տեսակետից: Բժիշկների կողմից դեռեւս լիովին ուսումնասիրված չէ այս բանջարեղենի ազդեցությունը մարդու օրգանիզմի վրա: Սակայն հայտնի է, որ այն բարերար ներգործություն է ունենում ճարպային եւ ածխաջրային փոխանակման վրա:
Բադրիջանը կանխում եւ բուժում է աթերոսկլերոզը, աղերի կուտակումը, երիկամների հիվանդությունը: Քանի որ հում պտուղները որոշ թունավոր միացություններ ունեն, ուստի այն պետք է օգտագործվի ջերմային մշակման ենթարկելուց հետո միայն: Պտուղները կարելի է նաեւ չորացրած վիճակում պահել` ձմռան համար:
Բադրիջանի պտուղների չոր նյութը կազմում է 7-12%, իսկ շաքարը՝ 3- 4%։ Բացի այդ, պտուղները պարունակում են չոր նյութեր, շաքարներ, սպիտակուցներ, ճարպեր, վիտամիններ, կալցիումի, ֆոսֆորի, երկաթի եւ այլ աղեր, որոնք շատ անհրաժեշտ են մարդու օրգանիզմի համար։ Բադրիջանը վիտամիններով առանձնապես հարուստ չէ, թեեւ պարունակում է որոշ քանակությամբ B2, PP եւ C վիտամիններ։
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
28.06.2017
