Ծիրանը ոչ միայն թավշյա, նուրբ համով հայկական միրգ է, այլեւ` առողջության եւ երկարակեցության խորհրդանիշը համարվող: Կյանքի տեւողության եւ որակի վրա դրական է ազդում, քանի որ պարունակում է բետտա կորոտին, շաքարներ, օրգանական թթուներ, կալիումի ու երկաթի աղեր, ֆոսֆոր, մագնեզիում: Պարունակում է վիտամին C, H, E, P, B խմբին պատկանող վիտամիններ, A նախավիտամին:
Ծիրանի հյութը միզամուղ է, հակաինֆեկցիոն, արյունաստեղծ, հակաուռուցքային, նուրբ լուծողական է, ջերմությունը իջեցնող: Կանխում է վահանաձեւ գեղձի հիվանդությունները, ինչպես նաեւ երիկամային, ուռուցքային հիվանդությունները:
Սրտի իշեմիկ հիվանդության, առիթմիայի, սիրտ-անոթային (որոնք ուղեկցվում են արյան ճնշման բարձրացմամբ, ուռածությամբ), երիկամային, մաշկային հիվանդությունների, փորկապության, թոքախտի, սակավարյունության, ճարպակալման ժամանակ օգտագործվում է օրական 1-2 թեյի բաժակ հյութ:
Դիետոլոգներն այդ պատճառով խորհուրդ են տալիս ամռան ընթացքում որքան հնարավոր է՝ շատ ուտել ծիրան, իսկ ձմռանը` ծիրանի չիր:
Խորհուրդ չի տրվում մսային ուտեստներից, դժվարամարս սննդից անմիջապես հետո ծիրան ուտել, քանի որ խանգարվում է մարսողությունը:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
30.06.2017
