Կառավարության համապատասխան որոշմամբ հաստատվել է հանրակրթական ուսումնական հաստատությունների օրինակելի կանոնադրությունը, որով նախատեսվում են բավականին փոփոխություններ, իսկ խմբագրված կետերից մեկն էլ դպրոցներին հնարավորություն է տալիս ունենալ ոչ հայերեն կնիք։
Ի դեպ, որոշ տեղեկությունների համաձայն, պետական կառավարման մարմիններում քիչ չեն ռուսերենով գրագրություններն ու փաստաթղթաշրջանառության դեպքերը։
Եթե հանրակրթական հաստատությունների օրինակելի կանոնադրության մեջ մինչեւ այժմ փաստորեն պահանջ կար, որ կնիքը պետք է լինի հայերեն, ապա փոփոխված տարբերակում այդպես ընդամենը կարող է լինել։
Առաջին դեպքում նշված է. «Հանրակրթական դպրոցն ունի Հայաստանի Հանրապետության զինանշանի պատկերով եւ իր՝ հայերեն անվանմամբ կլոր կնիք։ (…) Կնիքը, ձեւաթղթերը, խորհրդանիշը եւ անհատականացման այլ միջոցներ ձեւավորելիս, անհրաժեշտության դեպքում, հայերենին կարող են զուգակցվել այլ լեզուներ»։
Իսկ արդեն փոփոխված տարբերակում ձեւակերպումն այսպիսին է. «Դպրոցը կարող է ունենալ Հայաստանի Հանրապետության զինանշանի պատկերով եւ իր հայերեն անվանմամբ կլոր կնիք, ձեւաթղթեր, խորհրդանիշ եւ անհատականացման այլ միջոցներ։ Կնիքը, ձեւաթղթերը, խորհրդանիշը եւ անհատականացման այլ միջոցներ ձեւավորելիս, անհրաժեշտության դեպքում, հայերենին կարող են զուգակցվել այլ լեզուներ»։
Աննա ԶԱԽԱՐՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
