«Ելք» խմբակցությունը դիմել է քաղաքապետին, Շահեն Հարությունյանի նկատմամբ հարուցված վարչական վարույթը կարճելու նպատակով: Երեւանի ավագանիում «Ելք» խմբակցության ղեկավար Դավիթ Խաժակյանն այս առնչությամբ հայտնում է. «Շահենը մասնակցել էր «Հաց բերող» Արթուր Սարգսյանի մահվան հետևանքով տեղի ունեցած հավաք-երթերին, որոնք քաղաքապետարանի կողմից գնահատվել էին որպես օրենքի պահանջներին չհամապատասխանող և նյութերը ուղարկվել էին վարչական դատարան:
Շահենն ունի պայմանական ազատազրկման ժամկետ և իր դեմ հարուցված վարչական վարույթը այս տեսանկյունից ևս խիստ անցանկալի է:
Ելնելով հանրային համերաշխության համընդհանուր սկզբունքներից դիմում ենք քաղաքապետին՝ հրաժարվելու վարչական դատարան ներկայացված դիմումից, վարույթը կարճելու նպատակով»:
