Արտաքին գործերի նախարարի տեղակալ Շավարշ Քոչարյանն այսօր կառավարության նիստից հետո լրագրողների հարցին, թե Ալիեւ-Սարգսյան հանդիպում կայանալո՞ւ է, պատասխանեց, որ համանախագահները նման առաջարկ արել են. «Այդ ուղղությամբ մյուս նախագահներն աշխատում են, այդ ուղղությամբ դեռ որեւէ պայմանավորվածություն, որոշում չկա:
Լրագրողները նաեւ պարոն Քոչարյանից հետաքրքրվեցին, թե Իսրայելի տարածաշրջանային համագործակցության նախարարի` Հայաստան կատարած այցն ի՞նչ արձագանքներ է առաջացրել իրանական կողմի մոտ: Հարցրին նաեւ, թե Իսրայելի նախարարի հետ քննարկվե՞լ է Ադրբեջանին զենք վաճառելու հարցը:
«Ընդհանուր առմամբ Հայաստանի եւ Իսրայելի ժողովուրդների միջեւ կան շատ ընդհանրություններ եւ շատ կարեւոր է, որ լինի երկխոսություն եւ մեկուսացված չլինեն պետությունները»: Իրանի արձագանքի առնչությամբ էլ ասաց` մենք միշտ ելնում ենք մեր շահերից:
Ադրբեջանին զենք վաճառելու մասով էլ Շավարշ Քոչարյանն ասաց` Իսրայելի դիրքորոշումը շատ պարզ է, հրապարակային հնչել է. «Իրենք պատրաստ են բոլորին էլ վաճառեն` այդ թվում եւ մեզ»:
Մանրամասները` տեսանյութում
Լուսինե ԲՈՒԴԱՂՅԱՆ
