«Իմ կարծիքով՝ ԱՄՆ արտաքին քաղաքականության վրա գնալով ուժեղանում է զինվորականության ազդեցությունը: Սա նոր երեւույթ է եւ կապված է Թրամփի նախագահության հետ: Սա արտահայտվելու է նաեւ մեր տարածաշրջանում»,-«Փաստարկ» մամուլի ակումբում այսօր նման կարծիք հայտնեց թուրքագետ, արեւելագետ Ռուբեն Սաֆրաստյանը:
Մասնավորապես, ինչպես նա նշեց, հուլիսի 30-ին Վրաստանում ՆԱՏՕ-ի զորավարժությունները մաս են կազմում ավելի լայնածավալ զորավարժությունների ծրագրի, որը տեղի կունենա Սեւ ծովի ողջ ավազանով՝ տասնյակ հազարավոր զինվորականների ներգրավվածությամբ. «ԱՄՆ-ն ավելի մեծ ուշադրություն է դարձնում Սեւ ծովի ավազանին: Այս առումով Վրաստանի դերն է մեծանում ԱՄՆ-ի համար, քանի որ Վրաստանը ելք ունի դեպի Սեւ ծով»:
Փորձագետն աննախադեպ որակեց այն փաստը, որը նման զորավարժություններին զուգահեռ՝ Վրաստանում է գտնվել ԱՄՆ փոխնախագահ Մայք Փենսը:
Մանրամասն՝ տեսանյութում:
Լուիզա ՍՈՒՔԻԱՍՅԱՆ