Մոլդովայի սահմանապահները Լեուշենի քաղաքի մոտ ձերբակալել են Հայաստանի և Ռուսաստանի 2 քաղաքացիների, որոնք փորձել են անօրինական կերպով անցնել հարևան Ռումինիա: Այս մասին հայտնում է մոլդովական vesti.md պորտալը:
Օրինախախտներին նկատել են տեղի բնակիչները, որոնք էլ այդ մասին հայտնել են իրավապահներին:
Ձերբակալվածների անունները չեն հաղորդվում: Նրանք հայտնել են, որ Ռումինիայից պատրաստվում էին անցնել Եվրոպայի խորքերը՝ բարձր աշխատավարձով աշխատանք փնտրելու: Նրանց մոտ հայտնաբերվել է հագուստ և հիգիենայի պարագաներ: Իրավախախտները կալանավորվել են 72 ժամով:
Պատրաստեց՝ Վիկտորյա ԱՆԴՐԵԱՍՅԱՆԸ
