«Ադրբեջանը փորձում է դիվանագիտական «մանյովրներով» իր համար ավելի բարենպաստ դիվանագիտական դաշտ ապահովել, քանի որ կարելի է սպասել, որ աշնանը համանախագահները կփորձեն ակտիվացնել բանակցային գործընթացը: Ադրբեջանն էլ կփորձի ուժեղացնել դիրքերը տարածաշրջանում»,-«Փաստարկ» մամուլի ակումբում այսօր անդրադառնալով Արցախյան հակամարտության կարգավորման բանակցությունների վերսկսման հնարավորությանը՝ ասաց թուրքագետ, արեւելագետ Ռուբեն Սաֆրաստյանը:
Նա կարծում է, որ աշնանը բանակցային գործընթացը կվերսկսվի, իսկ թե ինչ փաստաթղթով՝ դժվար է ասել. «ԱՄՆ-ն, օրինակ, ավելի մեծ ակտիվություն կցուցաբերի հակամարտության կարգավորման հարցում»:
Ըստ բանախոսի՝ ի հակադրություն քաղաքական եւ տնտեսական առճակատման, Ռուսաստանի եւ ԱՄՆ-ի շահերն Արցախի հարցում սուր բախման մեջ չեն. «Երկուսն էլ շահագրգռված են, որպեսզի հարցը չմտնի ռազմական գործողությունների փուլ»:
Լուիզա ՍՈՒՔԻԱՍՅԱՆ
