Ուկրաինայի սահմանապահ ծառայությունը պատրաստվում է վերցնել Օդեսայի նախկին նահանգապետ Միխեիլ Սաակաշվիլիի անձնագիրը և թույլ չտալ նրան մուտք գործել Ուկրաինա: Այս մասին, ինչպես հաղորդում է «ՌԻԱ Նովոստին», հայտարարել է սահմանապահ ծառայության ղեկավարի տեղակալ Վասիլի Սերվատյուկը:
Ուկրաինայի միգրացիոն ծառայությունը հուլիսի 26-ին հայտնել էր, որ երկրի նախագահը Սաակաշվիլիին զրկել է քաղաքացիությունից: Նախագահի աշխատակազմից հայտնել էին, որ նման քայլի են դիմել, քանի որ անձնագիր ստանալիս նա ոչ հավաստի փաստաթղթեր է ներկայացրել: Ինքը՝ Սաակաշվիլին, այդ ժամանակ գտնվում էր ԱՄՆ-ում, ավելի ուշ տեղափոխվել էր Լեհաստան:
Սերվատյուկը նշել է, որ թույլ չեն տա Սաակաշվիլիին հատել Ուկրաինայի սահմանը, քանի որ «այդ քաղաքացին չունի այնպիսի փաստաթուղթ, որը նրան իրավունք կտան հատել պետական սահմանը»:
Պատրաստեց՝ Վիկտորյա ԱՆԴՐԵԱՍՅԱՆԸ