Թուրքիան սկսել է Իրանի հետ սահմանին պաշտպանիչ պատի շինարարությունը: Այս մասին հայտնում է ABC News-ը:
Հաղորդվում է, որ պատը կառուցվում է Ագրի նահանգում: Այն կունենա 2 մետր լայնություն և 3 մետր բարձրություն:
Այսօր պատի շինարարական աշխատանքներ ընթացքին է ծանոթացել նահանգապետ Սուլեյման Էլբանը:
Հիշեցնենք, դեռ տարեսկզբին Թուրքիայի նախագահ Ռեջեբ Թայիփ Էրդողանը հայտարարել էր, որ անվտանգության նկատառումներով պատ կկառուցի Իրանի և Իրաքի սահմաններին: Նմանատիպ պատ արդեն կառուցվել է Սիրիայի հետ սահմանին:
Պատրաստեց՝ Վիկտորյա ԱՆԴՐԵԱՍՅԱՆԸ