Օգոստոսի 11-ի կեսգիշերին և գիշերն անց ոստիկանության Արաբկիրի բաժնում ահազանգեր հնչեցին, որ կտրած-ծակած վերքերով հիվանդանոց բուժօգնության են տեղափոխվել 25-ամյա երկու երիտասարդներ:
Պարզվել է, որ նրանք օգոստոսի 11-ին, ժամը 23-ին, Եղվարդի խճուղում գտնվող բենզալցակայանի մոտ վիճաբանել են մի քանի անձանց հետ, որի ընթացքում վերջիններս իրենց մոտ եղած դանակով մարմնական վնասվածքներ են հասցրել երկու երիտասարդներին:
Ոստիկանները պարզել են դանակահարողների ինքնությունը և ներկայումս ձեռնարկվում են համապատասխան միջոցառումներ՝ նրանց հայտնաբերելու ուղղությամբ:
Նշանակվել են ԴԲՓ-ներ:
Կատարվում է նախաքննություն:
ՀՀ ոստիկանություն
