2017թ. Տավուշի մարզի համայնքների սեփական եկամուտները ընդհանուր առմամբ կազմել են 926 միլիոն դրամ, հողի հարկի եւ գույքահարկի գծով ապառքները՝ 800 միլիոն դրամ: Տավուշի մարզպետարանի աշխատակազմի ֆինանսական եւ սոցիալ-տնտեսական վարչության պետ Ռոբերտ Ներսիսյանը մարզխորհրդի հուլիսի 27-ին նիստում այդ 800 միլիոն դրամը անվանեց համայնքների համար «ՆԶ», այսինքն՝ անձեռնամխելի պահուստ, որը համայնքները հնարավորություն ունեն իրենց բյուջեներում ներկայացնելու : Տարիներ շարունակ Տավուշի մարզի համայնքների սեփական եկամուտների գումարները մուտքագրվել են գանձապետական բաժանմունքներ, սակայն այդ եկամուտների մի մասը չի մուտքագրվել համայնքների հողի հարկի եւ գույքահարկի տեղեկատվական բազաներ: 800 միլիոն դրամ ապառքի մի մասը իրականում ապառք չէ, հարկ է, որ համայնքապետարանները հողի հարկի եւ գույքահարկի ավտոմատացված բազաներում ճշգրտումներ կատարեն: 800 միլիոն դրամ ապառքը առաջացել է 2008 թվականից ցայսօր:
Տավուշի մարզպետ Հովիկ Աբովյանը համայնքապետերին ժամկետ տվեց, որպեսզի համայնքների սեփական եկամուտների բազաների ավտոմատացված համակարգերում ճշգրտումներ կատարեն:
Ոսկան ՍԱՐԳՍՅԱՆ
