Իրանի խորհրդարանի հայազգի ներկայացուցիչ Ջորջիկ Աբրահամյանը հայտարարել է, որ Իրանում հայերն ունեն քաղաքական և դավանական ազատություններ: Այս մասին, ինչպես գրում է IRNA գործակալությունը, Աբրահամյանն ասել է Իրանում Գերմանիայի դեսպան Միխայել Քլոր-Բերթխոլդի հետ հանդիպմանը, որին մանսակցել է Մեջլիսի ևս մեկ հայազգի պատգամավոր՝ Կարեն Խանլարին:
Անդրադառնալով Իրանի և «վեցյակի» միջև կնքված միջուկային համաձայնագրին՝ Աբրահամյանն ասել է որ այն մեծ ձեռքբերում էր և պետք է պահպանվի:
Իր հերթին Կարեն Խանլարին նշել է, որ երկու երկրների միջև պատմական լավ հարաբերություններ են եղել, և դա կարող է օգնել քաղաքական և տնտեսական կապերի ամրապնդմանը:
Դեսպանն էլ նշել է, որ Գերմանիան պաշտպանում է կրոնների միչև երկխոսությունը և հույս հայտնել, որ Իրանի հետ միջուկային համաձայնությունը կպահպանվի:
Պատրաստեց՝ Վիկտորյա ԱՆԴՐԵԱՍՅԱՆԸ
