Վրաստանի դատախազությունը հերթական անգամ պահանջել է Ուկրաինայից արտահանձննել Օդեսայի նախկին նահանգապետ և Վրաստանի նախկին նախագահ Միխեիլ Սաակաշվիլիին: Այս մասին գրում է korrespondent.net-ը:
«Միխեիլ Սաակաշվիլիի հարցով Վրաստանի գլխավոր դատախազությունն ուկրաինական կողմին իրավական ուղերձ է հղել՝ նրան Վրաստան արտահանձնելու վերաբերյալ: Երկու երկրների դատախազություններն ակտիվորեն համագործակցում են»,- ասվում է վրացական գերատեսչության հայտարարության մեջ:
Հիշեցնենք, ավելի վաղ Ուկրաինան մի քանի անգամ մերժել էր Վրաստանի այդ պահանջը: Այնուամենայնիվ, սա Սաակաշվիլիին Ուկրաինայի քաղաքացիությունից զրկելուց հետո նմանատիպ առաջին հայցն է:
Պատրաստեց՝ Վիկտորյա ԱՆԴՐԵԱՍՅԱՆԸ
