Թեեւ հայաստանյան մեդիադաշտն ակտիվ քննարկում է օրերս կայացած Պուտին-Սարգսյան հանդիպումը, քաղաքագետ Ալեքսանդր Իսկանդարյանը դրանում ոչ մի հետաքրքիր եւ արտառոց բան չի տեսնում: «Դա սովորական աշխատանքային այց էր»,-«Հայացք» մամուլի ակումբում այսօր լրագրողների հետ հանդիպմանն ասաց նա:
Անդրադառնալով Թուրքմենստանի նախագահի երեւանյան այցին՝ քաղաքագետը նկատեց. «Թուրքմենստանին հետաքրքրում է Իրանի հետ ՀՀ-ի ազատ տնտեսական գոտին, որը ողջ ԵԱՏՄ-ին է վերաբերում: ՀՀ-ն փորձելու է իր վրա վերցնել Իրանի հետ գործակցությունը՝ ներառելով ԵԱՏՄ այլ երկրներին: Իրանցիների հետ հեշտը չէ աշխատել, բայց գործընթացը կայանում է»:
Ալեքսանդր Իսկանդարյանի խոսքով՝ Հայաստանի տարածքով թուրքմենական էներգակիրների տարանցման հնարավորությունները գերագնահատել պետք չէ. «Հնարավոր է հայ-թուրքմենական գործակցություն, բայց դա տնտեսագետների գործն է: Իսկ քաղաքական խնդիրները հաղթահարելի կլինեն»:
Լուիզա ՍՈՒՔԻԱՍՅԱՆ
