Եվրամիությունը պետք է մտածի Ռուսաստանի հետ հարաբերությունների կարգավորման շուրջ՝ միաժամանակ չհեռանալով եվրոպական արժեքներից: Այս մասին հայտարարել է Եվրահանձնաժողովի նախագահ Ժան-Կլոդ Յունկերը:
«Կարծում եմ՝ պետք է վերանայել Ռուսաստանի հետ հարաբերությունները, քանի որ Եվրամիության անվտանգությունն առաջիկա հարյուրամյակում հնարավոր չէ ապահովել առանց Ռուսաստանի»,- ասել է Յունկերը՝ ելույթ ունենալով ԵՄ դեսպանների առաջ:
Նրա խոսքով՝ ԵՄ-ը պետք է «առավել հարմար հռետորաբանություն ընտրի Ռուսաստանի հետ հարաբերություններում՝ առանց հրաժարվելու իր արժեքներից»:
«ԵՄ տարածքը կազմում է 5.5 մլն քառակուսի կիլոմետր: Միայն Ռուսաստանը զբաղեցնում է 17.5 մլն քառակուսի կիլոմետր տարածք: Էլի հարցեր կա՞ն»,- ասել է Յունկերը:
Պատրաստեց՝ Վիկտորյա ԱՆԴՐԵԱՍՅԱՆԸ
