ԱՄՆ իշխանությունները մեղադրանք են առաջադրել 19 անձանց, այդ թվում թուրքական անվտանգության ծառայության 15 աշխատակիցների նկատմամբ՝ Վաշինգտոնում Թուրքիայի նախագահ Ռեջեբ Թայիփ Էրդողանի այցի դեմ բողոքող ցուցարարներին ծեծի ենթարկելու համար: Այս մասին հաղորդում է Associated Press-ը:
2017թ. մայիսին Թուրքիայի նախագահի՝ Վաշինգտոն կատարած այցի ժամանակ բախում էր տեղի ունեցել ցուցարարների և նրա թիկնապահների միջև: Տեսանյութում երևում էր, որ Էրդողանն անձամբ է հետևում՝ ինչպես են իր թիկնապահները ծեծի ենթարկում խաղաղ ցուցարարներին: Այդ կապակցությամբ պետքարտուղարությունը բողոք էր հայտնել Թուրքիային:
Անկարան իր հերթին հերքում էր բոլոր մեղադրանքները՝ հայտարարելով, որ բախումը տեղի է ունեցել ԱՄՆ-ի կողմից անվտանգության միջոցառումների բացակայության պատճառով:
Պատրաստեց՝ Վիկտորյա ԱՆԴՐԵԱՍՅԱՆԸ
