Բաղդադն օրենքի և սահմանադրության ուժով կվերադարձնի վերահսկողությունը Իրաքյան Քրդստանի ինքնավարության նկատմամբ, որտեղ երկուշաբթի անկախության հանրաքվե է անցկացվել: Այս մասին խորհրդարանում տեղի ունեցած ելույթում հայտարարել է Իրաքի վարչապետ Հայդար ալ-Աբադին, գրում է «ՌԻԱ Նովոստին»:
«Չի կարող լինել պայքար միևնույն հայրենիքի որդիների միջև, բայց մենք օրենք կկիրառենք, և դուք կտեսնեք»,- ասել է Աբադին:
Ալ-Աբադին քրդերին կոչ է արել հրաժարվել իրենց վերահսկողության տակ անցած շրջաններից, որոնք գտնվում են ինքնավարությունից դուրս, ինչպես նաև չեղարկել անկախության հանրաքվեի արդյունքները: Վարչապետը ևս մեկ անգամ ընդգծել է, որ Բաղդադը չի աշխատի քվեարկության արդյունքների հետ:
«Պետք է չեղարկել հանրաքվեն և ուղղակի երկխոսություն սկսել սահմանադրության շրջանակում… Մենք բացարձակապես չենք խոսի հանրաքվեի արդյունքների մասին»,- ասել է վարչապետը:
Պատրաստեց՝ Վիկտորյա ԱՆԴՐԵԱՍՅԱՆԸ
