Հենրիխ Մխիթարյանը «Who Scored»-ի վարկածով ճանաչվել է «Արսենալ»-«Էվերթոն» հանդիպման լավագույն խաղացող:
Հայաստանի ազգային հավաքականի ավագն իր խաղով գերել է նաեւ «զինագործների» բյուրավոր երկրպագուներին: Ահա, թե նրանք ինչ են ասում Հենրիխ Մխիթարյանի մասին:
«Միկին տիեզերք է»:
«Շնորհակալություն սուպեր խաղի եւ գոլային փոխանցումների հեթ-տրիկի համար»:
«Արժանի է լավագույն խաղացող ճանաչվելուն: Նրա այսօրվա խաղից հսկայական բավականություն ստացա եւ կարծում եմ՝ ոչ միայն ես»:
«Մխիթարյանը «Էմիրեյթսի» նորաթուխ Աստվածն է: Իր առաջին խաղով նա ցույց տվեց, թե «Արսենալի» համար ինչ խաղացող է: Նորամուտը կատարյալ էր»:
«Միկին փոխանցումների Աստված է: Փոխանցումների նրա կուլտուրան ոչ մեկի հետ չես համեմատի: Նրա խաղը կախարդական է»:
«Միկին ողջույններ փոխանցեց Մոուրինիոյին: Երբ նա խաղա իր նախկին ակումբի դեմ, անձամբ կտխրեցնի Ժոզեին եւ կապացուցի, որ պորտուգալացին ճիշտ չէր իր հանդեպ»:
«Հենրիխը ֆուտբոլում չափազանց խելացի է Մոուից»:
Աշոտ ՀԱԿՈԲՅԱՆ
