Facebook սոցցանցը հեռացրել է 270 հաշիվ և էջ, որոնք առնչություն ունեին ռուսական «ինտերնետային հետազոտությունների գործակալության» հետ:
Սոցցանցի հիմնադիր Մարկ Ցուկերբերգը հայտնել է, որ հեռացված էջերն ուղղված էին Ռուսաստանի հարևան երկրների, այդ թվում Ադրբեջանում, Ուզբեկստանում և Ուկրաինայում ռուս և ռուսախոս լսարանին:
Որոշ էջեր պատկանում էին լրատվական պարբերականների, բայց կառավարվում էին ռուսական «տրոլլերի ֆաբրիկայի» կողմից: Մասնավորապես, արգելափակված պարբերականներից մեկն ուներ մոտ 1 մլն օգտատեր Facebook-ում, և մոտ 500 հազար հետևորդ Instagram-ում:
Բացի այդ, Facebook-ը խոստացել է առաջիկայում գործարկել հատուկ հավելված, որը թույլ կտա օգտատերերին ստուգել՝ արդյոք իր հավանած էջերը կապ ունեն «տրոլլերի ֆաբրիկայի» հետ:
«Նախկինում մեր ձեռնարկած բոլոր քայլերը «Ինտերնետային հետազոտությունների գործակալության» նկատմամբ ուղղված էին այլ երկրների ընտրություններում նրա միջամտության դեմ: Այժմ մենք հեռացնում ենք նրանց այն էջերը, որոնք ուղղված են ռուսական լսարանին: Այդ ռուսական գործակալությունը բազմից գործել է խաբեությամբ և փորձել մանիպուլացնել մարդկանց ԱՄՆ-ում, Եվրոպայում և Ռուսաստանում, և մենք չենք ցանկանում դրանք տեսնել Facebook-ում աշխարհին ոչ մի կետում»,- գրել է Ցուկերբերգը:
2017թ. սեպտեմբերին Facebook-ը հայտարարեց, որ հայտնաբերել և արգելափակել է «տրոլլերի ֆաբրիկա», որը կարող էր ազդել ԱՄՆ նախագահական ընտրությունների վրա:
Պատրաստեց՝ Վիկտորյա ԱՆԴՐԵԱՍՅԱՆԸ
