Աշխարհահռչակ երաժիշտ Սերժ Թանկյանն արձագանքել է Նիկոլ Փաշինյանի՝ ցուցարարներին միանալու կոչին։
«Հայաստանում, վերջապես, անհավանական ինչ-որ բան է կատարվում։ Քաղաքացիական անհնազանդությունն աճում է և ստանում աշխատավորական և ուսանողական գործադուլի տեսք՝ ընդդեմ անարդարության, կոռուպցիայի և իշխող էլիտայի։ Այս շաբաթը նոր Հայաստանի առաջին շաբաթն է, քանի որ ինչ էլ կատարվի անտարբերությունը ցրվել է։ Սերժ Սարգսյանն ինքը ընդունել է, որ բնակչության մոտ 60 տոկոսը չի սիրում իրեն և համաձայն չէ իր հետ։
Այնուամենայնիվ, նա շարունակում է իր հովանավորչական վարքը և իշխանությունը։ Սերժ, առանց անարգանքի, բայց դու մեր հայրը չես, և մենք էլ քո երեխաները չենք։ Դու ծառայել ես Հայաստանի ժողովրդին և այլևս կենսունակ ու հարգված առաջնորդ չես՝ անկախ նրանից՝ կմնաս կամ կշարունակես քո անարդյունավետ և այս առումով վտանգավոր իշխանությունը։ Ինչպես ասում են՝ ամեն ինչ վերջացած չէ, քանի դեռ գեր կինը երգում է)։
Այդ կինը Մայր Հայաստանն է, որ հենց հիմա փողոցներում կոկորդն է պատռում»,- գրել է Թանկյանը՝ կոչ անելով հետևել Հայաստանում տեղի ունեցող իրադարձություններին։
Պատրաստեց՝ Վիկտորյա ԱՆԴՐԵԱՍՅԱՆԸ
եկէք Սերժ Թանկյանը ընտրենք Հայաստանի Վարչապետ…
Տօնալտը ԱՄՆ-ի նախագահ լինելէ ետք,
խի՞ ոչ Թանկյանը՝ Հայոց Պետութեան գերագոյն ղեկավար
եալլա, սկսէք hashtag-ները