Տաշքենդում ընթացող ծանրամարտի աշխարհի պատանեկան առաջնությունում այսօր պայքարի մեջ մտավ Հայաստանի առաջին ներկայացուցիչը՝ 77 կգ քաշային Ռաֆիկ Հարությունյանը: Նա երկամարտի 324 կգ արդյունքով նվաճեց բրոնզե մեդալ: Ռաֆիկը պոկում վարժությունում ցույց տվեց 145 կգ, հրումում՝ 179 կգ, ինչը երկրորդ արդյունքն է այս վարժությունում:
Առաջնությանն ընդահուր առմամբ մասնակցում է 49 երկրի 246 ծանրորդ: Հայաստանը ներկայացված է միայն տղաներով՝ 3 հոգի: Հուլիսի 12-ին մրցահարթակ է մտնելու 94 կգ քաշային Սամվել Բաբակյանը, իսկ 14-ին՝ գերծանր քաշային Վարազդատ Լալայանը:
Աշոտ ՀԱԿՈԲՅԱՆ
