Պրոֆեսիոնալ բռնցքամարտիկ Գոռ Երիցյանը մարզիչ Դավիթ Թորոսյանի հետ մեկնել է Սոչի: Նա հուլիսի 28-ին ռինգում հանդիպելու է հարավաֆրիկացի փորձառու մարզիկ Ալի Ֆունեկայի հետ:
Ֆունեկան պրոֆեսիոնալ ռինգում անցկացրել է 50-ից ավելի մենամարտ, իսկ Գոռն ընդամենը վեց, որոնք բոլորն էլ ավարտել է նոկաուտով: Սակայն նա այս անգամ էլ անպայման նոկաուտ անելու մասին չի մտածում՝ կարեւորելով հաղթանակը: Մեկնելուց առաջ «Punch Boxing Armenia»-ի ֆեյսբուքյան էջին Գոռն ասել է. «Շատ կարեւոր մենամարտ է սպասվում: Մրցակիցս տարիքով եւ փորձառու բռնցքամարտիկ է, որը աշխարհի ուժեղագույններից շատերի հետ մենամարտելու մեծ փորձ ունի: Բայց մենք մարզիչ Դավիթ Թորոսյանի հետ շատ լավ ենք պատրաստվել եւ գնալու ենք մինչեւ վերջ: Չեմ տեսնում որեւէ արտառոց բան, ինչը կարող է խանգարել մեզ»:
Աշոտ ՀԱԿՈԲՅԱՆ
