Հումորի զգացումը ոչ բոլորին է տրված: Դա ոչ տարիքից է կախված, ոչ էլ մասնագիտությոնից: Ապացույցը՝ լրագրող Յուրի Գագյանի «Աշնանային ժպիտներ» ժողովածուն է: Հոբելյարը ավարտել է Խ. Աբովյանի անվան մանկավարժական ինստիտուտի ֆիզմաթ ֆակուլտետը, աշխատել ուսուցիչ, թղթակցել տեղական եւ միութենական թերթերին, ամսագրերին («Սովետական Հայաստան», «Ավանգարդ», «Երեկոյան Երեւան», «ԽՏՎՎցվՌրՑ», ինչպես նաեւ Մոսկվայում հրատարակվող «ՀՈոՏփպ-ՍՐպրՑÿվրՍՌռ ՍՏՐպրտՈվՊպվՑ» ամսագրում: 2010-ից՝ «Ոզնի» հանդեսում):
Յուրի Գագարինը, ներողություն՝ Գագյանը, այն մարդու տեսակն է, որն ինքնաթմբկահարմամբ, ինքնագովազդով չի զբաղվում, այլ լուռ ու մունջ իր գործն է կատարում: Երգիծանքը ժանրերով, բարեհոգի հայեցողությամբ, գեղարվեստորեն արտացոլում է կյանքի անհեթեթ երեւույթները:
Ժամանակի սղության պատճառով նրան հաջողվեց միայն ժողովածու կազմել, հրատարակել 40+40 ամյակի շեմին՝ 8:0 հաղթելով կյանքին:
Ասում են՝ երկու երնեկ մի տեղ չի լինում, բայց Գագյանի պարագայում եղավ: Ամռանը Երեւանի Նոր Նորքի կենտրոնական գրադարանում նշվեց «Աշնանային ժպիտներ» գրքի ծնունդն ու կնունքը, իսկ օրերս վերոնշյալ գրադարանում՝ հոբելյանը, որին մասնակցում էին ընկեր-ընկերուհիները, ծանոթ-բարեկամները, հումորի երկրպագուները:
Բացման խոսքով հանդես եկավ գրադարանի տնօրեն Նազենի Արզումանյանը: Կյանքի եւ ստեղծագործական ուղու մասին ջերմ խոսքեր ասացին գրադարանի աշխատակիցներ Աստղիկ Սահինյանը, բանաստեղծ Յուրի Արտավազդը: Ելույթներ ունեցան բանահավաք Բորիս Չիթչյանը, արվեստաբան Գայանե Գրիգորյանը, գեղանկարիչ Մարտիրոս Պետրոսյանը…
Միջոցառումը ծիծաղով եզրափակեց երգիծաբան, ասմունքող Հրանտ Հորիզոնը:
ԳՈՒՐԳԵՆ ԼՈՌԵՑԻ
Հոբելյանական հանձնաժողովի քարտուղար
