Այսօր՝ դեկտեմբերի 24-ին ոստիկանությունը Բերդ քաղաքի Ուտիքի փողոցում սպանված է գտել 87-ամյա Ա. Դ.-ին և 57-ամյա Հ. Դ.-ին: Դիերի վրա եղել են սուր կտրող-ծակող առարկայից ստացած հարվածի բազմաթիվ հետքեր:
Ոստիկաններն ու քննիչները նշված տանը հայտնաբերել են նաև երկտող, որում, մասնավորապես, գրված է եղել՝ «Ձեր նման սրբապիղծների վերջը սա է լինելու»:
Հայաստանի քննչական կոմիտեի Տավուշի մարզային քննչական վարչության Բերդի քննչական բաժնում ՀՀ քր. օր.-ի 104 հոդվածի 2-րդ մասի 1-ին կետի (2 կամ ավելի անձանց սպանություն) հատկանիշներով հարուցվել է քրեական գործ:
Հ.Դ.-ն աշխատել է որպես տաքսու վարորդ, ամուսնացած չէր, ապրել է մոր հետ:
Իրավապահները վարկածներ չունեն դաժան սպանության պատճառներով: Բերդ քաղաքից հայտնեցին, որ Հ.Դ.-ն բանկերից վարկ վերցնելով՝ այնուհետ բարձր տոկոսադրույքներով, վարկով փող է տվել համաքաղաքացիներին:
Ոսկան ՍԱՐԳՍՅԱՆ
