Այսօր կենտրոնական ընտրական հանձնաժողովի արտահերթ նիստում որոշվեց՝ դեկտեմբերի 9-ին տեղի ունեցած խորհրդարանական ընտրություններից հետո ովքեր են ԱԺ պատգամավորի մանդատներ ստանալու: ԱԺ պատգամավոր ընտրված պատգամավորներից մի քանիսի ինքնաբացարկների դիմումներն այսօր ԿԸՀ-ն բավարարեց: ԿԸՀ էին ներկայացվել ինքնաբացարկի 20 դիմում, 18-ը՝ «Իմ քայլը» դաշինքից, 2-ը՝ «Լուսավոր Հայաստան» կուսակցությունից: ԲՀԿ-ից դիմում չի ներկայացվել:
«Լուսավոր Հայաստան» կուսակցությունից ինքնաբացարկի դիմումներ են ներկայացրել Քրիստ Մարուքյանն ու Արմեն Բաղդասարյանը:
Ապա ԿԸՀ-ն որոշում կայացրեց, թե «Լուսավոր Հայաստան» կուսակցությունից ովքեր են պատգամավորի մանդատ ստանալու: ԼՀ-ից վարկանիշային ընտրակարգով ընտրված եւ մանդատ ստացող անձիք են՝ Գուրգեն Բաղդասարյանը, Գեւորգ Գորգիսյանը, Էդմոն Մարուքյանը, Մանե Թանդիլյանը, Էդվարդ Անդրեասյանը, Ռուբիկ Ստեփանյանը, Տարոն Սիմոնյանը, Հրանտ Այվազյանը, Սարիկ Մինասյանը:
ԼՀ-ի համապետական ցուցակով մանդատներ կստանան՝ Արման Բաբաջանյանը, Արկադի Խաչատրյանը, Անի Սամսոնյանը, Հարություն Բաբայանը, Արմեն Եղիազարյանը, Աննա Կոստանյանը, Կարեն Սիմոնյանը, Սրբուհի Գրիգորյանը եւ Սարգիս Ալեքսանյանը:
«Իմ քայլը» դաշինքից ովքեր են պատգամավորի մանդատներ ստացել, կարդացեք հետեւյալ հղումով, ԲՀԿ-ից՝ այս հղումով:
Նելլի ԲԱԲԱՅԱՆ
